आतून अडून सूर्यही बघतो,
उधाण समुद्र किनारा...
ठेउन आज मल्हार बाजूला
मी गातो पाऊसधारा...
खडकावरुनी लाट सरावी
तसा अंगावरुनी वारा..
तन मनात उठुनी शहारा
मी गातो पाऊसधारा...
धूसर नभाची नाती गोती
सभा मंडपी येती.....
जणू जडावे रूणानुबंध
आलिंगने ती देती....
झाकुनी मग मी सूर्यलाही
फुलवून मोर पिसारा
मी गातो पाऊसधारा...
दरवळ उठतो धरती वरती
चाहुल पाहुणा देतो....
रिमझिम बरसून झाडान्वरती
कड़े कपारीत वळतो....
खळखळणार्या पाण्यासन्गे
मोहरता तुझा इशारा...
मी गातो पाऊसधारा...
विरळ नभातुन सूर्य अचानक
प्रभात किरणे देतो ....
जणू अंगावर हात तुझा
कुरवाळुन मी घेतो ..
वाहे गारठा हिरव्यारानी
पण, उबदार तुझा निवारा
मी गातो पाऊसधारा...
पाऊस रिमझिम सूर्यासंगे
नविनच नाते विणतो...
मायेच्या उबेत अचानक
सडा प्रेमाचा पडतो...
ईंद्रधनु जेव्हा अवनिला
करतो लऊन मुजरा...
मी गातो पाऊसधारा...
अम्बरीश
१२/०९/२००८
No comments:
Post a Comment