मुहूर्त....


.
.
.
कसा आज अभिमान, माझाच मजला
नशीबात आले तुला पाहणे
किती सुख डोळ्यातही साठले की
विसरलेत आसू कसे वाहणे
.
.
कशा या मुहुर्तास, ही जोड़ आहे
पुन्हा अक्षदा आज टाकायची
किती जन्म गेले, किती भोग बाकी
मला ना गणिते ही मोजायची
.
.
ह्रुदयामधे हे समाधान ओले
मला सुख श्वासातही भासते
जसा सांगतो अर्थ कोणी मनाचा
जशी तू मला पाहूनी हासते
.
.
तुझ्या अंगणाची पुन्हा बाग़ झाली
फूले तीच गंधायची वेगळी
माझ्या मनाची, तुझी प्रीत वेडी
मला तूच वाटायची वेगळी
.
.
जरी वेगळी भासते तू जराशी
तुला ना चुके ते मला पाहणे
किती सुख ओटीत आले तुझ्याही
अता आनंदाश्रु कसे थांबणे..?
.
.
.
.
.
अम्बरीश देशपांडे
२६/१२/२००८