मला न कळले...........
.
.
मला न कळले, कसे हे जडले, नाते आपुल्या प्रेमाचे
सुरात जुळले, मनात भिनले, गाणे आपुल्या प्रेमाचे
कशी सांज ही फुलून आली, तुझ्या नि माझ्या साथीने
मीच अता रे, मला हरवले, केली जादू प्रीतिने ...........
.
.
कशी दिवाणी, सांज ही मनी, वेळही खुळी का होते
फुलून मी, अलवार गुलाबी, फुल पाकळी मी होते
सुगंध होवून तुला बिलगते, माझी काया धुंदीने
मीच अता रे, मला हरवले, केली जादू प्रीतिने ...........
.
.
श्रावणातल्या पाऊसधारा सरसर ओल्या चिम्ब सरी
क्षणी बिलगतो धुंद गारवा, थेम्ब थरथरे मनावरी
चिम्ब तनावर स्पर्श तुझा की आग तनावर सळसळणे
मीच अता रे, मला हरवले, केली जादू प्रीतिने ...........
.
.
- अंबरीश देशपांडे
Subscribe to:
Post Comments (Atom)
No comments:
Post a Comment